Kryeministri i Kosovës, Ramush Haradinaj, ka folur rreth kërkesës së PSD-së për shkarkimin e ministrit të bujqësisë, Nenad Rikallo.
Haradinaj nuk ka pohuar apo mohuar se do ta shkarkojë ministrin serb, por ka thënë se të gjitha kërkesat e PSD-së do të plotësohen.
“E kam thënë që të gjitha kërkesat që i kam marrë prej PSD-së, janë legjitime. Të gjitha kërkesa kanë legjitimitet. Jemi në proces të temave të tjera, ata i dijnë afatet kohore se si do të veprojnë, unë nuk mundem të flasë për angazhimet e tjerëve”, tha Haradinaj.
Haradinaj, foli edhe për letrën që i’a ka dërguar kryeministrja e Serbisë, kryeministrit të Shqipërisë Edi Rama, ku ka kërkuar tërheqjen e njohjes për Kosovën.
“Nuk i ka ardhur marre me i dërgu letër as Shqipërisë”,ka thënë Haradinaj.
