Një tërmet me magnitudë prej 5.3 ballësh sipas Rihterit, goditi të dielën shtetin amerikan Hawaii.
Qendra amerikane për Studime Gjeologjike (USGS) tha se epiqendra e tërmetit është regjistruar 24 kilometra në jugperëndim të qytetit Kailua-Kona që ndodhet në ishullin e Madh.
Aktualisht nuk ka informacione për viktima eventuale, ndërkohë që Mbrojtja Civile bën të ditur se të paktën 3.300 objekte të ndryshme janë pa energji elektrike.
Shembja e shkëmbinjve ka bllokuar njërën nga rrugët kryesore në ishullin e Madh.
Autoritetet nuk kanë lëshuar një paralajmërim për mundësinë e një cunami.