Garda Revolucionare e Iranit (IRGC) tha se tankeri i konfiskuar i naftës në Gjirin Persin i përket Irakut.
Agjencia zyrtare e lajmeve IRNA, duke cituar IRGC-në, tha se tankeri i konfiskuar të mërkurën kishte kombësi të Irakut.
Më herët, IRGC tha se një tanker i huaj që po përpiqej që të konfrabandonte 700.000 litra naftë në shtetet e Gjirit Persik dhe se janë arrestuar shtatë shtetas të huaj.
Më pas, tankeri i naftës u dërgua në portin Bushehr për procedurat ligjore.
Muajin e kaluar, Irani konfiskoi një tanker me flamur britanik në Ngushticën strategjike të Hormuzit, në një veprim hakmarrës për konfiskimin e një anijeje iraniane në territorin britanik të Gjibraltarit. Që atëherë, tensionet në rajon janë përshkallëzuar.
– Iraku mohon lidhjet me tankerin
Ndërkohë, autoritetet irakiane thanë se nuk kanë lidhje me tankerin e naftës të konfiskuar nga Irani në Gjirin Persik.
Përmes një kumtese, ministri i naftës i Irakut, tha se tankeri i konfiskuar në Gjirin Persik është një anije e vogël me të cilën nuk merret ministria gjatë procesit të shitjes së naftës.
Në kumtesë thuhet se autoritetet po përpiqen të mbledhin informata rreth anijes së konfiskuar nga Irani.
