Parlamenti i Islandës ka ratifikuar Protokollin e Anëtarësimit të Maqedonisë së Veriut në NATO.
Informacioni mbi ratifikimin e protokollit u konfirmua nga ministrja e Mbrojtjes Radmilla Shekerinska, e cila në profilin zyrtar në rrjetet sociale shkroi se në mbledhjet e Këshillit Veriatlantik në Bruksel ka marrë urimet e para për ratifikimin e 26-të të Protokollit të Anëtarësimit në NATO në parlamentin e Islandës.
“Anëtarësimi në NATO po bëhet realitet”, tha Sekerinska.
Pasi ratifikimit nga Islanda, tashmë kanë mbetur vetëm Franca, Spanja dhe Holanda për ta ratifikuar protokollin.
Kujtojmë që vendet anëtare të NATO-s nënshkruan Protokollin e Anëtarësimit të Maqedonisë së Veriut në aleancë më 6 shkurt të këtij viti.
Për t’u bërë anëtar i plotë i NATO-s, protokolli për anëtarësim duhet të ratifikohet në parlamentet e 29 vendeve anëtare të aleancës.