Ish-Princi i Kurorës i Jordanisë, Hamzah bin Al-Hussein, ka thënë se ai është në arrest shtëpie dhe ka akuzuar udhëheqësit e vendit për korrupsion, paaftësi dhe shqetësim, transmeton Anadolu Agency (AA).
Deklarata e Al-Hussein u lëshua në BBC nga avokati i tij.
Duke deklaruar se nuk ka qenë i përfshirë në ndonjë krim, ai ka thënë se nuk ishte pjesë e komplotit.
Ushtria më parë mohoi se ai ishte në arrest shtëpie, por tha se ishte urdhëruar të ndalonte veprimet që mund të përdoren për të synuar “sigurinë dhe stabilitetin” e vendit.
Sipas një raporti nga Washington Post, Al-Hussein dhe 20 njerëz dyshohet se u arrestuan për arsye se ishin kërcënim për stabilitetin e Jordanisë.
Është raportuar se princi u mbajt në pallatin e tij në kryeqytetin Aman, me akuzat e një “përpjekjeje grushti shteti” dhe midis të arrestuarve kishte njerëz nga shërbimi i sigurimit kombëtar.
Al-Hussein ishte Princi i Kurorës në vitet 1999-2004 para se djali i madh i Mbretit Abdullah II, Husein bin Abdullah, të emërohej në këtë detyrë.