Dy diplomatë amerikanë janë ndër pesë rastet e reja me koronavirusin e ri (COVID-19) në Kamboxhia.
“Të pesë rastet përfshijnë persona që kanë udhëtuar nga SHBA. Tre janë kamboxhianë që arritën të mërkurën përmes Tajvanit”, thuhet në deklaratën e Ministrisë kamboxhiane të Shëndetësisë.
Deklarata përshkruan dy amerikanët si diplomatë seniorë që kanë udhëtuar nga SHBA përmes Koresë së Jugut dhe mbërritën të mërkurën.
Ministria tha se të dy po izolohen në Ambasadën e SHBA-së në Phnom Penh. Një zëdhënës i ambasadës nuk pranoi të jepte ndonjë koment të menjëhershëm ose detaje.
Kamboxhia ndaloi pothuajse të gjitha ardhjet në mars por muajin e kaluar lehtësoi masat duke lejuar riatdhesimin e më shumë kamboxhianëve dhe hyrjen e kufizuar të të huajve.
Vendi ka 171 raste të konfirmuara me COVID-19 pa shënuar vdekje.
