Këshilltari i kreut të Kuvendit, Kadri Veseli, Blerim Latifi, ka reaguar përmes një postimi në Facebook, pas raportimeve në media se ministri i Punëve të Jashtme të Shqipërisë, Gent Cakaj, ka vendosur të dërgojë diplomatë kosovarë dhe të Shqipërisë, tek të gjitha vendet që nuk e kanë njohur Kosovën.
Për më tepër Latifi ka një këshillë për ministrin Cakaj: ‘Mos lejo që këta diplomatë të jenë njerëz që politikanët e fuqishëm të Kosovës i delegojnë nga farefisi i tyre.
Shkrimi i plotë:
“Një këshillë për Gentin
Ministri për Punë të Jashtme të Shqipërisë, Gent Cakaj, ka vendosur që në çdo vend që nuk e njeh Kosovën, të dërgoj diplomatë kosovarë si diplomatë të Shqipërisë, po thonë mediat.
Një këshillë për Gentin : mos lejo që këta diplomatë të jenë njerëz që politikanët e fuqishëm të Kosovës i delegojnë nga farefisi i tyre.
Shtetet moderne bëhen me njerëz që mbështetën në meritokraci profesionale, e jo me njerëz që të vetmet merita i kanë ose lidhjet e gjakut me ata që janë në pushtet, ose marrjen e shpërblimit për ndonjë votë të vjedhur diku, gjatë zgjedhjeve.
Meritokracia profesionale mund të sjell rezultate pozitive.
Ndërkaq, meritokracia farefisnore e ka të sigurt vetëm një rezultat : turpnimin diplomatik të Kosovës dhe Shqipërisë bashkë.
Filozofia mund të durojë shumë gjëra, veç injorancën dhe budallakun asnjëherë
