Kina ka ndaluar lëshimin e vizave afatshkurtra për qytetarët e Koresë së Jugut në shenjë hakmarrjeje për forcimin e kontrolleve shëndetësore për pasagjerët nga Koreja e Jugut, të cilësuara si “diskriminuese” nga Pekini.
Lajmi përcillet përmes një shënimi nga ambasada kineze në Seul, sipas së cilës masat e vendosura “do të rregullohen në bazë të anulimit të kufizimeve diskriminuese për hyrjen në Korenë e Jugut kundër Kinës”.
”Ambasada dhe konsullatat kineze do të pezullojnë dhënien e vizave afatshkurtra për qytetarët e Koresë së Jugut”, thuhet në një shënim të postuar në llogarinë WeChat të misionit diplomatik, bazuar në udhëzimet e marra nga Pekini.
”Masa do të prekë qytetarët e Koresë së Jugut që vizitojnë Kinën për biznes, turizëm, trajtim mjekësor, tranzit dhe biznes privat në përgjithësi”, thuhet në shënim.
Udhëtarët nga Kina duhet të paraqesin një test PCR negativ brenda 48 orëve nga nisja (e njëjta gjë që Pekini vazhdon të kërkojë gjatë mbërritjes) ose një test të shpejtë antigjen të marrë brenda 24 orëve, i ndjekur nga një PCR pas mbërritjes.
