Lideri i lëvizjes Vetëvendosje, Albin Kurti vazhdon ta kundërshtojë formimin e Asociacionit, pasi përmes një postimi në Facebook, ka shfqaur frikën e manipulimit, por njëherësh edhe u ka bërë thirrje liderëve institucional që të kenë kujdes me Asociacioni, duke thënë se Kosova duhet të nxjerrë mësim nga rasti i Bosnjës.
Kurti përmes postimit ka kujtuar se bonjëzimi nuk u bë duke u synuar direkt, por teksa kërkohej ndarja e Bosnjës apo shkëmbimit territorial midis Serbisë e Kroacisë.
Ai tha se Kosova duhet të nxjerrë mësim nga paqja e Bosnjës dhe të ndërhyjë kundër “Zajednicës”.
Postimi i plotë i Albin Kurtit në Facebook:
“Bosnjëzimi nuk u bë duke u synuar direkt, por teksa kërkohej ndarja e Bosnjes apo shkëmbimi territorial midis Serbisë e Kroacisë. NATO-ja pat nxjerrur mësim nga lufta e Bosnjes dhe ndërhyri te Kosova kundër Jugosllavisë së Milosheviçit. Ne duhet të nxjerrim mësim nga paqja e Bosnjes dhe të ndërhyjmë kundër ‘Zajednicës’ së Thaçit me Vuçiçin”./Kosova Post/
