Zhvillohet këtë të enjte seanca e zakonshme parlamentare.
Me kërkesë të dy grupeve parlamentare PS-PD u fut në rendin e ditës edhe Amnistia Penale.
Për këtë çështje, foli më herët kreu i grupit parlamentar të PD-së, Gazment Bardhi.
Ai ritheksoi se asnjë zyrtar apo ish-funksionar i lartë që është hetuar nga SPAK apo është aktualisht në proces gjyqësor nuk do të përfitojë nga Amnistia.
Ndërkohë deputetët e opozitës kanë mbushur sallën e parlamentit dhe tavolinat e tyre të punës me targën AA653DM.
Këtë targë e ka denoncuar më parë Gazment Bardhi duke akuzuar vëllain e kryeministrit Rama, Olsi Rama, se e përdorte me anëtarët e grupit kriminal të trafikut të drogës në Xibrakë.
Për këtë çështje ai kërkoi interpelancë me kryeministrin Rama, por ky i fundit e refuzoi duke i quajtur akuzat si gënjeshtra haluçinante dhe kërkesën e Bardhit si të pabazë.
