Njësitë ajrore të ushtrisë së Libisë kanë shkatërruar sistemin e tretë rus të mbrojtjes ajrore “Pantsir”, të siguruar nga Emiratet e Bashkuara Arabe (EBA) për milicitë e Khalifa Haftarit, udhëheqësit puçist të forcave të paligjshme në lindje të Libisë.
Muhammed Kununu, zëdhënësi i ushtrisë, njoftoi se njësitë ajrore kanë shkatërruar një sistem raketor “Pantsir” të prdhimit rus dhe një ndërprerës të sinjaleve elektronike në jug të qytetit Sirte.
Ky është sistemi i tretë raketor i siguruar për Haftarin nga EBA që shkatërrohet nga dronët e ushtrisë.
Më herët është njoftuar për dy sisteme të mbrojtjes ajrore të vendosura në Bazën Ajrore Ushtarake Watiya të pushtuar nga milicët e Haftarit.