Ligjvënësit në Dhomën e Lartë të parlamentit miratuan dje në mbrëmje paketën me vlere miliarda eurosh për të nxitur bizneset në Gjermani, duke premtuar lehtësim taksash dhe më pak burokraci.
Të mërkurën në mbrëmje, Komiteti i ndërmjetësimit të Dhomës së Lartë dhe të Ulët të Gjermanisë, Bundesrat dhe Bundestagu arritën një shumicë votash në favor të Paketës së Rritjes.
Sekretarja parlamentare e shtetit për Financat, Katja Hessel tha dje se kompromisi ishte sinjali urgjent që i duhet ekonomisë tani.
Gjermania, ekonomia më e madhe në Bashkimin Evropian, parashikohet të rritet me 0,2% këtë vit, sipas një parashikimi të fundit të ministrit të Ekonomisë, Robert Habeck.
