Mediat serbe, shkruajnë se në Veri të Mitrovicës, ushtarët e KFOR-it kanë hequr posterët e vendosur të presidentit rus Vladimir Putin.
Sipas mediave serbe, për këto veprime të ushtarëve të KFOR-it, kanë njoftuar qytetarët e Leposaviqit të cilët sot në mëngjes duke shkuar në punë kanë parë ushtarët e KFOR-it, duke i hequr posterët e Putin-it.
Aktivisti i njohur, shkruan portali “ALO” serb, studenti Filip Fiqoviq, gjithashtu ka bërë të ditur përmes llogarisë në Twiter, se mbrëmë ushtarët e NATO-s, kanë ngjyrosur me të zezë bilbordet dhe posterët afër Mitrovicës në fshatin Balaban.
