Presidenti i Republikës, Sh.T.Z. Ilir Meta priti sot në takim Ambasadorin e ri të Arabisë Saudite, Sh.T.Z. Faisal Ghazi Ismail Hifzi, me rastin e paraqitjes së Letrave Kredenciale.
Presidenti Meta e uroi Ambasadorin për detyrën dhe e siguroi për mbështetje në përmbushjen me sukses të misionit të tij në Shqipëri.
Kreu i Shtetit vlerësoi përvojën e Ambasadorit dhe shprehu besimin se përpjekjet e tij do t’i shërbejnë forcimit të mëtejshëm të marrëdhënieve shumë të mira ndërmjet Shqipërisë dhe Arabisë Saudite, sidomos në fushën ekonomike e tregtare.
Presidenti Meta i shprehu mirënjohjen Ambasadorit për mbështetjen, ndihmën e vyer teknike e financiare dhe programet zhvillimore të dhënë ndër vite nga Arabia Saudite për Shqipërinë dhe popullin shqiptar.
(2/2) Me bindjen se përpjekjet e tij do t’i shërbejnë forcimit të mëtejshëm të marrëdh. sh. të mira ndërmjet🇦🇱🤝🇸🇦, sidomos në fushën ekon. e tregtare shpreha mirënjohjen për ndihmën e vyer teknike e financiare & progr. zhvillimore të dhënë ndër vite nga🇸🇦për🇦🇱&popullin shqiptar. pic.twitter.com/hQSCUbmPdS
— Ilir Meta (@ilirmetazyrtar) July 29, 2021