Presidenca i ka kthyer përgjigje kryeministrit Edi Rama në lidhje me deklaratat e tij për 21 janarin.
Rama tha se Meta nuk merret me këtë çështje por shpërndan dekorata pa vlerë dhe boshe, duke iu referuar aktivitetit të presidentit në Korçë.
Zëdhënësi i Metës, Tedi Blushi në reagimin e tij, shprehet se mllef dhe inat kaq të madh me Korçën e vlerave vetëm një piktor i dështuar anti-vlerë si Edi Rama mund të ketë.
“Ç’po na dëgjojnë veshët! Korça e arsimit, artit, kulturës dhe qytetarisë pa vlera?
Teatri “Andon Zako Çajupi” pa vlera? Artistët e mirënjohur korçarë pa vlera?
Kush ka më shumë vlerë?
Zhgarravinat që shiten si piktura? Apo pocaqitë e baltës që shiten si “vepra arti”?
Mllef dhe inat kaq të madh me Korçën e vlerave vetëm një piktor i dështuar anti-vlerë mund të ketë! Fale o Zot!”, shprehet Blushi.