Në një deklaratë për mediat, zv. ministri i Drejtësisë Toni Gogu sjell në vëmendje rastin e një gjyqtareje në Vlorë për të treguar se vetingu po zbulon shkeljet e panumërta të gjyqtarëve e prokurorëve.
Ai i referohet konkretisht gjyqtares Herila Çela, që sipas tij ka vendosur arrest shtëpie për një person që është kapur nga policia e Vlorës duke udhëtuar i armatosur, ndërkohë që shkelësi i ligjit ishte arrestuar dy herë në harkun kohor të pak muajve.
“Ky shkelës i ligjit, 2 herë i arrestuar nga policia në harkun kohor të pak muajve, lihet përsëri në shtëpi nga Gjykata, falë gjyqtares Herila Çela, e cila nuk e ka për herë të parë shfaqjen në një pozicion tejet shqetësues në raport me ligjin – gjë për të cilën ajo ka qenë edhe më parë subjekt i inspektimit të Këshillit të Lartë Drejtësisë. Sot, Ministria e Drejtësisë i ka kërkuar Inspektoriatit të Këshillit të Lartë të Drejtëisë me shumë urgjencë të hetojë për veprimet e gjyqtares lidhur me rastin. Ne do të ndjekim deri në fund çështjen dhe do të propozojmë pranë KLD marrjen e masave në përpjestim me shkeljen, deri edhe shkarkimin e gjyqtares”, tha ai.
Top Channel