Rusia ka hedhur poshtë një propozim të fraksioneve opozitare siriane për një armëpushim në fshatin verior të provincës Homs.
Propozimi, i cili u bë në një takim të ditës së djeshme midis përfaqësuesve të opozitës dhe zyrtarëve rusë në Homs, thuhet se ka kërkuar një armëpushim dhe rihapje të rrugëve kryesore të rajonit.
“Nëse do të pranohej, marrëveshja do të lejonte fraksionet e opozitës të mbanin pozicionet e tyre në zonë pa dorëzuar armët e tyre”, tha një burim i mirë informuar për Agjensinë Anadolli.
Megjithatë, sipas burimeve Moska hodhi poshtë ofertën duke këmbëngulur që forcave të regjimit sirian t’u jepet “kontroll i plotë” i rajonit ndërsa luftëtarët e opozitës t’i dorëzojnë të gjitha armët e rënda në këmbim për t’u dhënë dalje të sigurt nga zona.
Të njëjtat burime theksuan se negociatorët rusë u kishin dhënë luftëtarëve të opozitës kohë deri në mesditën e sotme për t’iu përgjigjur kushteve të tyre.
Megjithatë, grupet e opozitës të përfshirë në negociata njëzëri kanë refuzuar kundër-propozimin e Rusisë, shtuan burimet.
Siria sapo ka filluar të dalë nga një konflikt vicioz që filloi në vitin 2011 kur regjimi sirian i Bashar al-Asadit u përplas me protestuesit me një trazirë të papritur./Rtv Islam/
