Një aksident i rëndë me pasojë vdekjen e një gruaje ka ndodhur pasditen e sotme pranë “Gjirit të Lalëzit”. Gazetarja Klodjana Haxhiaj bën me dije për “BalkanWeb” se ngjarja ka ndodhur në fshatin Rrotull, ku gjatë parakalimit në një kthesë janë përplasur dy automjtet.
Një nga makinat e përfshira në aksident ishte një Fuoristradë ku udhëtonte një shtetas francez dhe e fejuara e tij, ndërsa në makinën tjetër dy motra dhe fëmijët e tyre, 5 persona.
Si pasojë e përplasjes, njëra nga motrat ka mbërritur pa jetë në urgjencën e Durrësit, ndërsa personat e tjerë të përfshirë në aksident janë jashtë rrezikut për jetën.
Policia ka nisur sakaq hetimet për ngjarjen.
