Në shtëpinë e kulturës “Sadi Halili” në Librazhd është zhvilluar ceremonia e dhënies së titullit “Qytetar Nderi” i këtij qyteti, Myftiut të Tiranës, librazhdasit Ylli Gurri. I cilësuar si një ndër figurat më të spikatura të klerit dhe promovues i harmonisë fetare në Shqipëri dhe jo vetëm Myftiu i Tiranës, Ylli Gurra është vlerësuar nga këshilli bashkiak i Librazhdit duke i akorduar titullin “Qytetar Nderi”.
Ai më herët ka qenë Myfti i këtij qyteti, ku si djalë i kësaj treve ka gëzuar dhe gëzon respektin e komunitetit Librazhdas.
Kryebashkiaku Kastriot Gurra i dorëzoi Myftiut të Tiranës titullin “Qytetar Nderi” i Librazhdit, duke e vlerësuar maksimalisht atë për rolin si klerik dhe qytetar i denjë i kësaj zone.
Ndërkaq të pranishëm në ceremoninë e dorëzimit të këtij titulli Myftiut të Tiranës ishin të pranishëm drejtuesit e të gjithë religjoneve fetare në Shqipëri si dhe drejtues e ish-drejtues të pushtetit vendor në Librazhd dhe qindra intelektualë./gsh.al/
