SHKODER- Një person i shpallur në kërkim është vënë në prangat e policisë së Shkodrës.
56-vjeçari i identifikuar me inicialet N.P., banues në fshatin Selcë, Bashkia Malësi e Madhe, ishte shpallur në kërkim për veprat penale “Vetëgjyqësia”, “Kanosja”, “Fyerja” dhe “Kundërshtim i punonjësit që kryen një shërbim publik”.
Nëpërmjet telefonit, ka kanosur, fyer dhe penguar për të punuar shtetasin A. Ç., 42 vjeç, banues në fshatin Dobraç, me detyrë administrator i një firme, i cili më datë 16.12.2021 ka bërë kallëzim në Polici.
Gjatë shoqërimit në ambientet e Policisë, 56-vjeçari ka kundërshtuar punonjësit e Policisë.
Materialet proceduriale i kaluan Prokurorisë pranë Gjykatës së Shkallës së Parë Shkodër.
