Në shtetin e Amerikës Jugore, Brazil, janë shënuar 845 vdekje të reja si pasojë e koronavirusit të ri (COVID-19).
Sipas lajmit të faqes së internetit “Globo.com”, e cila bazohet mbi të dhënat nga Ministria e Shëndetësisë së Brazilit, thuhet se me 845 vdekjet e reja në vend ka arritur në 15.662 numri i përgjithshëm i vdekjeve.
Ndërkohë në vend janë shënuar 15.288 raste të reja me COVID-19 duke e rritur në 233.511 numrin e rasteve.
Sipas faqes së internetit “Worldometer”, e cila përpilon të dhënat më të fundit mbi pandeminë, thuhet se Brazili nga pikëpamja e numrit të rasteve dhe humbjeve të jetëve lidhur me virusin është vendi më i prekur në Amerikën Latine dhe radhitet si vendi i 5-të në botë për nga numri i rasteve.