Çdo vend ka gjërat e tij të çuditshme. Dhe ndërsa nuk ka ndonjë parametër për të matur çuditshmërinë e një vendi, është e sigurt se 5 vendet e renditura më poshtë janë ndër më të çuditshmit në botë.
- Butani
“Ne nuk besojmë tek Prodhimi i Brendshëm Bruto. Më e rëndësishme është Lumturia Kombëtare Bruto”. Kështu deklaroi në vitin 1979, mbreti asokohe ende adoleshent i Butanit. Që atëherë, Lumturia Kombëtare Bruto është bërë një filozofi e këtij vendi.
Ajo është e sanksionuar në kushtetutën e vendit, dhe qytetarët në këtë vend kanë shumë arsye për të qenë të lumtur. Shtatëdhjetë për qind e mbretërisë është pyll, ndërsa midis tij gjenden male gjigantë, manastire dhe fshatra antikë.
Butani ka prirje për të veçantën. Simbolet e stërmëdha dekorojnë tempujt, shtëpitë dhe godinat qeveritare, ku speci djegës konsiderohen si një vakt i plotë ushqimor, dhe ndërsa orizi shërbehet i kuq. Të gjithë turistët duhet të paguajnë 250 dollarë për person në ditë. Kjo shifër mund të duket e lartë, por përfshin akomodimin, transportin, një guidë, ushqimin dhe tarifat e qasjes nëpër tempuj.
- Kazakistani
Borati, personazhi i luajtur nga aktori Saha Baron Kohen, e “vendosi” Kazakistanin në hartë në vitin 2006, dhe bëri që shumë njerëz të habiteshin me vendin e çuditshëm në Azinë Qendrore. Ndërsa personazhi komik nuk përfaqëson saktësisht një banor kazak, nuk mund
të mohohet që ky vend ka shumë çudira.
Kështu, pija kombëtare bëhet me qumështin e thartë të kalit, dhe një nga pjatat më të njohura të Kazakistanit, Kazi, është një suxhuk me mish kali të tymosur. Ndërsa në sporti më popullor në vend, “Buzkashi”, që do të thotë fjalë për fjalë “kapja e dhisë së ngordhur”, disa lojtarë të hipin mbi kuaj për të kontrolluar “topin”, që siç sugjeron edhe emri, është trupi pa kokë i një dhie. Dhe pas një loje, të gjithë lojtarët festojnë. Kazakistani është vendi i nëntë më i madh në tokë nga sipërfaqja, dhe popullsia përbëhet nga mbi 130 kombësi.
- Koreja e Veriut
Mënyra e vetme që turistët perëndimorë hyjnë në këtë vend është përmes Kinës. Dhe pasi të hyjnë brenda, duhet të mos shkelin në asnjë mënyrë rregullat e qeverisë komuniste. Këtu do të shoqëroheni kudo nga 2 guida të punësuar nga shteti, dhe do të dëgjoni një version disi të dyshimtë të historisë së Koresë së Veriut. Ndërkohë, ngado që shkoni do të jeni të survejuar nga shërbimi sekret i vendit komunist. Vizat për në Korenë e Veriut, lëshohen vetëm në Pekin.
- Bjellorusia
Pas rënies së Bashkimit Sovjetik, një grup vendesh të Evropës Lindore u joshën t’i bashkohen BE-ë. Por Bjellorusia, e vendosur midis Rusisë dhe Polonisë, zgjodhi izolimin dhe veçimin, duke i kthyer shpinën Evropës së bashkuar.
Kryeqyteti i saj, Minsk, është djegur 18 herë gjatë historisë. Nëpër sheshe ndodhen ende përmendoret e epokës sovjetike. Prej 26 vitesh vendi drejtohet nga autokrati Aleksandër Llukashenko, ndërsa muajt e fundit pushteti i tij po sfidohet nga mbështetësit e opozitës.
- Armenia
Armenia, është një vendi ku shahu është një lëndë e detyrueshme në shkollë. Ai është pjesë e kurrikulës së shkollës fillore, dhe vlerësohet po aq sa matematika dhe historia. Plot histori dhe kulturë, ky vend pa dalje në det kufizohet në veri nga Gjeorgjia, dhe në jug nga Irani dhe Turqia.
Kryeqyteti i tij, Jerevani, njihet gjithashtu si “qyteti rozë” për shkak se ndërtesat e tij antike janë ndërtuar me gurët e nxjerrë nga një shkëmb i kuq vullkanik. Shumë armenë janë ende të bindur se Arka e famshme e Noes, është e ngulitur në majën e malit Ararat.
