Një ushtar turk ka rënë dëshmor dhe një tjetër ka mbetur i plagosur në një sulm terrorist në veri të Sirisë.
Siç bën të ditur Ministria turke e Mbrojtjes, ushtari ra dëshmor në një sulm me mortaja të kryer nga terroristët në zonën ku Turqia më herët kreu operacionin “Dega e Ullirit” për të çliruar qytetin e Afrinit nga prania e terroristëve të YPG/PKK-së dhe DEASH-it.
Në bazë të të drejtës për vetëmbrojtje, forcat turke u kundërpërgjigjën duke granatuar sulmuesit.
“Dërgojmë ngushëllimet tona për familjen e dëshmorit të Forcave të Armatosura Turke dhe kombit tonë”, thuhet në kumtesë në të cilën luten për shërim të shpejtë për ushtarin e plagosur.