Vetëm një ditë pasi shpalli fundin e shumicës së masave për Covid në vend, presidenti zviceran, Ignazio Cassis, ka rezultuar pozitiv me virusin Covid.
Sapo Cassis mësoi rezultatin e testit të enjten në mëngjes, ai shkoi menjëherë në izolim, u tha në një deklaratë të lëshuar nga qeveria.
Kështu, ai do të duhet të anashkalojë Konferencën e Sigurisë së Mynihut që do të zhvillohet të premten dhe të shtunën këtë javë.
Thuhet se ai nuk ka fare simptoma.
