Disa stacione treni në Austri janë detyruar të mbyllen si përgjigje ndaj kërcënimeve për bomba në ditët e fundit, tha një zëdhënës i policisë.
”Kërcënimet deri më tani kishin shënjestruar stacione në kryeqytetet shtetërore. Ne po e marrim këtë shumë seriozisht”, theksoi zëdhënësi.
Kërcënimet u bënë të mërkurën në mbrëmje në lidhje me stacionet e Sait Polten, Salzburg dhe Klagenfurt, të martën në stacionin kryesor të Linzit dhe të hënën në stacionin kryesor të Grazit.
Të gjitha stacionet duhej të mbylleshin dhe trafiku i trenave u pezullua për disa orë.
Kërcënimet kanë mbërritur në polici përmes emaileve ku thuhej se mund të shpërthente eksploziv në stacionet përkatëse.
Autoritetet e shërbimit sekret kombëtar po hetojnë serinë e kërcënimeve.
Kompania shtetërore austriake hekurudhore (OBB) nuk pranoi të komentojë.
