Presidenti i Serbisë, Aleksandar Vuçiç nuk beson në ndryshimin e qëndrimit të Turqisë mbi pavarësinë e Kosovës.
Ai, siç shkruajnë mediat serbe, këtë porosi e ka dhënë nga Ankaraja, ku homologu i tij turk Rexhep Tajip Erdogan e priti me nderimet më të larta shtetërore dhe ushtarake.
“Turqia është një fuqi e madhe, e ka njohur pavarësinë e Kosovës, është e pamundur të ndryshohet ky qëndrim”, tha Vuçiç për mediat turke.
Gjithsesi ai ka shtuar se është i bindur se “Turqia dëshiron paqe dhe stabilitet në Ballkan, siç dëshiron Serbia”.
Kur është fjala për Kosovën, Vuçiç ka thënë se nuk do të thotë se Turqia do të vendosë, as se ky vend dëshiron të bëjë presion, por nuk ka dyshim se Turqia është një faktor i domosdoshëm dhe i rëndësishëm në të gjitha çështjet në Ballkan.
Vuçiç tutje ka thënë se do të shqyrtojnë arritjen e një niveli të caktuar të mirëkuptimit mbi çështjen e Kosovës, pasi është e pamundur plotësisht, pasi Turqia e njohu Kosovën.
“Por unë shpresoj se ne mund të arrijmë një shkallë të mirëkuptimit dhe, në përputhje me marrëdhëniet tona dypalëshe miqësore, ne do të dimë se si për të gjetur interesat minimale të përbashkëta dhe ruajtjen e paqes dhe stabilitetit në Ballkan”, tha Vuçiç, përcjell Telegrafi. Ndërsa në një intervistë për mediumin serb “Kurir”, presidenti serb Aleksandar Vuçiç ka thënë se ai nuk është i gatshëm ta dorëzojë Kosovën “në asnjë mënyrë”, por ai e di se cilado zgjidhje të jetë, kjo do të jetë fundi i tij në politikë dhe se serbët nuk do të jenë të kënaqur.
Situata e përgjithshme, megjithatë, sipas tij është “shumë e vështirë” dhe thekson se Serbia, siç thuhet, “është një situatë jashtëzakonisht të vështirë”.
“Kur të marrim ofertën nga bota që do të jetë sado e vogël më e mirë sesa ka qenë, do të jetë një sukses. Dhe ne do të vazhdojmë të jemi të pakënaqur. Sepse Kosovën të gjithë e mbajnë në zemrat e tyre”, citohet të ketë thënë tutje Vuçiç./Kosova Post/
