VLORE– Një 25-vjeçar është arrestuar nga policia e Vlorës paski akuzohet për plagosje me thikë.
Më konkretisht i arrestuari është A.H pasi ka goditur me thikë shtetasin S. V., i cili ndodhet jashtë rrezikut për jetën, si dhe i ka thyer atij, xhamin e automjetit.
Njoftimi i policisë Vlorë:
Specialistët e Hetimit të Krimit në Stacionin e Policisë Selenicë arrestuan në flagrancë për veprat penale “Plagosja e rëndë me dashje” dhe “Shkatërrimi pronës”, shtetasin A. H., 25 vjeç, banues në fshatin Rromës, bashkia Selenicë, pasi ka goditur me mjet prerës (thikë), shtetasin S. V., i cili ndodhet jashtë rrezikut për jetën, si dhe i ka thyer atij, xhamin e automjetit.Materialet i kaluan Prokurorisë, për veprime të mëtejshme.