Dihet se qentë janë të trajnuar për të zbuluar drogën dhe eksplozivët me shqisën e tyre të nuhatjes dhe për të ndihmuar në hetimet e policisë.
Megjithatë, kohët e fundit, shumë muzikantë po kërkojnë ndihmën e qenve që janë trajnuar posaçërisht për të nuhatur COVID-19 për t’u siguruar që turnet e tyre të ardhshëm do të zhvillohen pa asnjë problem.
Sipas një postimi të Rolling Stone, artistë dhe grupe si Eric Church, Tool, Metallica dhe The Black Keys kanë përdorur qen me nuhatje të mirë për të nuhatur muzikantët dhe teknikët. Nëse qentë zbulojnë virusin, ata paralajmërojnë të interesuarit.
Qentë që bëjnë “testim të shpejtë të antigjenit për Covid-19” trajnohen nga shërbimi Bio-Detection K9 me qendër në Ohio, SHBA. Kompania pretendon se qentë që ajo ka trajnuar ishin “98-99% të saktë në studimet e vërtetimit në ekzemplarët klinikë dhe njerëzit e vërtetë”.
“Nëse i kuptoni instinktet e sjelljes së një qeni, ka shumë kuptim,” i tha Rolling Stone presidenti i Bio-Detection K9, Jerry Johnson. “Qentë e nuhasin njëri-tjetrin për të parë nëse qeni tjetër ka virus. Ne i trajnojmë ata të kërkojnë diçka që do t’i interesonte gjithsesi”.
Ndërsa të trajnuarit ishin në gjendje të zbulonin shenjat e mëparshme Covid-19 duke nuhatur duart dhe këmbët e tyre, ata disi janë në gjendje të zbulojnë më mirë variantin Omicron në maskat e përdorura të mbrojtjes nga koronavirusi.
Pas anulimeve dhe shtyrjeve të shumta të koncerteve dhe festivaleve, shumë grupe, si Metallica, tashmë kanë ndihmës me katër këmbë, ndërsa Tool do t’i çojë qentë e stërvitur në turne.
