Mbledhja e 13-të e vendeve garantuese me temë Sirinë do të zhvillohet më 1-2 gusht në kryeqytetin e Kazakistanit, Nur Sultan.
Në një deklaratë nga Ministria e Jashtme e Kazakistanit, thuhet se takimi i 13-të i vendeve garantuese në formatin Astana për Sirinë do të mbahet në kryeqytetin Nur Sultan më 1-2 gusht.
Në mbledhjen ku krahas vendeve garantuese Turqisë, Rusisë dhe Iranit do të marrin pjesë edhe regjimi i Asadit dhe opozitarët ushtarakë, do të jenë të pranishëm si vëzhgues edhe delegacionet e OKB-së, Jordanisë, Libanit dhe Irakut.
Gjatë mbledhjes do të diskutohet situata akuale në Siri, kryesisht ajo në Idlib dhe në verilindje të Sirisë.
Poashtu pjesë e bisedimeve do të jenë edhe masat e ndërtimit të besimit mes palëve dhe themelimi i një komiteti kushtetues.
Sesioni kryesor i takimit, i cili do të fillojë me bisedimet teknike bilaterale dhe trepalëshe do të mbahet më 2 gusht.
Libani dhe Iraku që morën statusin e vëzhguesit në takimin e 12-të më 25-26 prill, do të marrin pjesë për herë të parë në takimin e formatit Astana.
