Ministria e Jashtme e Rusisë ka shpallur dy diplomatë bullgarë “persona të padëshiruar”.
Në deklaratën e ministrisë thuhet se dy punonjës në ambasadën e Bullgarisë në Moskë për çështje tregtare janë shpallur “persona të padëshiruar”.
Më tej në deklaratë thuhet se ambasadori bullgar në Moskë, Atanas Kristin është thirrur në ministri. “Ambasadorit i është dorëzuar notë se dy punonjës në ambasadën e Bullgarisë në Moskë janë shpallur persona të padëshiruar. Ky është një hap kundër vendimit të paarsyeshëm të qeverisë së Bullgarisë”, thuhet në deklaratë.
Ministria e Jashtme e Bullgarisë më 23 shtator shpalli “persona të padëshiruar” dy diplomatë rusë të akredituar në vend.
Gjithashtu edhe Çekia më 6 qershor, Sllovakia më 10 gusht shpallën “persona të padëshiruar” nga 2 diplomatë rusë për shkak të dyshimit për “spiunazh”.
Më 18 gusht Norvegjia, më 24 gusht Austria morën vendim për të deportuar nga një diplomat rus.