Serbia ka marrë mbështetjen e Rusisë për rastin e Kosovës.
Shefi i diplomacisë serbe Ivica Daçiç për portalin serb “Kurir” ka thënë se Serbia në mbrojtjen e interesave të veta në Kosovë e ka përkrahjen absolute të Rusisë.
“Në shumë takime zyrtare e jozyrtare është konfirmuar kjo përkrahje, ka pasur edhe hapa konkretë të Moskës zyrtare që kanë ndihmuar që serbët të qëndrojnë në Kosovë” , citohet të ketë thënë Daçiç.
“Mua disa herë gjatë bisedave më kanë bindur se Rusia nuk do të lejojë që Serbisë t’i bëhet dëm e presidenti Vuçiç këtë disa herë e ka dëgjuar nga vetë presidenti Putin” ka thënë ndër të tjera Daçiç.
