Shteti Louisiana në SHBA u godit nga uragani Delta, duke shkaktuar mobilizimin e forcave të vendit.
Sipas BBC, shpejtësia e erës së uraganit Delta, i cili filloi të godasë rajonin Creole të Louisiana-s dje në nivelin e kategorisë 2, arriti 155 kilometra në orë.
Delta, e cila humbi ndikimin e saj ndërsa përparonte drejt pjesës së brendshme dhe u ul në kategorinë 1, shkaktoi ndërprerje të energjisë në shtet.
Shkollat dhe institucionet qeveritare janë mbyllur për shkak të uraganit që pritet të lëvizë nga Louisiana në veri të Mississippi-t dhe Luginës së Tennessee-t.
Guvernatori i Louisiana-s, John Bel Edwards, njoftoi se 2.400 pjesëtarë të Gardës Kombëtare janë mobilizuar për të ndihmuar popullatën.
Në muajin gusht, ky shtet ishte goditur nga uragani Laura i kategorisë 4, i cili kishte shkaktuar dëme.
Siç raportohet, më shumë se 6 mijë njerëz ende jetojnë në vende të përkohshme të tilla si hotele në Louisiana për shkak të uraganit Laura.