Një incident ka ndodhur rreth mesnatës së kaluar në një lokal në Bulevardin “Aqif Pasha”, në qytetin e Elbasanit.
Burime bëjnë me dije se ka pasur një sherr me shishe mes disa të rinjve, ku është qëlluar edhe me armë zjarri.
Menjëherë pas ngjarjes, qyteti i Elbasanit është “blinduar” me forca policore që kanë ushtruar kontrolle pothuajse kudo, ndërsa raportohet për disa të lënduar.
Ende policia nuk ka dhënë asnjë informacion për incidentin, i cili sipas qytetarëve ka ndodhur në një nga lokalet më të njohura të Elbasanit.
