Një 25-vjeçar ka rënë në prangat e policisë së Lezhës pasi shiste lëndë narkotike teksa gjatë kontrollit i janë gjetur dhe sekuestruar doza me kanabis.
Mbi të riun rëndon akuza “Prodhimi dhe shitja e narkotikëve”.
Njoftimi i policisë:
Vijon puna për parandalimin, evidentimin dhe goditjen e paligjshmërisë.
Vihen në pranga 2 shtetas.
Shërbimet e Policisë Lezhë, në vijim të punës së pandërprerë për goditjen e veprimtarisë kriminale në fushën e narkotikëve, bazuar dhe në informacionet e siguruara në rrugë operative për një shtetas që shiste lëndë narkotike në doza, kanë organizuar punën dhe në lagjen “Gurra” , Lezhë, kanë kapur dhe arrestuar në flagrancë shtetasin N. Gj., 25 vjeç, banues në Mirditë.
Gjatë kontrollit fizik të ushtruar ndaj tij, shërbimet e Policisë kanë gjetur dhe sekuestruar në cilësinë e provës materiale disa doza me lëndë të dyshuar narkotike cannabis sativa.
Materialet hetimore u referuan në Prokurorinë e Rrethit Gjyqësor Lezhë, për veprime të mëtejshme, për veprën penale “Prodhimi dhe shitja e narkotikëve”.
