Një transformator i tensionit të lartë ka shpërthyer sot në autostradën Tiranë – Durrës.
Për rrjedhojë, 3 punëtorë janë lënduar. Dy nga punëtorët e lënduar janë në një gjendje më të rëndë shëndetësore.
Ata janë dërguar për mjekim në Spitalin e Traumës në kryeqytet.
Njoftimi i policisë:
Tiranë/Informacion Paraprak
Rreth orës 12.00, në autostradën Tiranë – Durrës në afërsi të një objekti në rekonstruksion si pasojë e një shkëndie elektrike ka shpërthyer një transformator elektrik.
Si pasojë e shpërthimit kanë mbetur të dëmtuar 3 punonjës e këtij objekti shtetasit GJ. S, S. Ç dhe F. Ç të cilët u dërguan në spital për ndihmë mjeksore.
Grupi hetimor ndodhet në vendngjarje dhe po vijon punën për sqarimin e metejshëm të rrethanave të ngjarjes.
