Ministri i Jashtëm polak, Radoslaw Sikorski deklaroi se dërgesat amerikane të armëve me rreze të gjatë veprimi në Ukrainë mund të jenë një frymëzim për Gjermaninë që të furnizojë Kievin me raketa ”Taurus”.
Sikorski i bëri këto deklarata në një konferencë të përbashkët për shtyp me kolegen e tij gjermane, Annalena Baerbock në qytetin kufitar polak Slubice.
Ngjarja u zhvillua me rastin e 20-vjetorit të anëtarësimit të Polonisë në Bashkimin Evropian.
Ministri i Jashtëm inkurajoi më parë Gjermaninë që të dorëzojë raketa ”Taurus” në Ukrainë, por tha se ”nuk do të donte të ndërhynte në punët e brendshme të një vendi mik”.
”Një debat intensiv mbi këtë çështje po zhvillohet në Gjermani”, tha Baerbock.
”Siç ndodh në demokracitë, ne duhet të vendosim së bashku”, shtoi ajo.
Baerbock përmendi gjithashtu një iniciativë që ai po udhëheq së bashku me ministrin gjerman të mbrojtjes Boris Pistorius për të bërë presion ndaj partnerëve për më shumë sisteme të mbrojtjes ajrore për Kievin.
