Miliarderi hebre, George Soros, ka mohuar akuzat e kryeministrit izraelit, Benjamin Netanyahu, për financimin e protestave kundër planeve për të dëbuar azilkërkuesit afrikanë.
Dje, Netanyahu akuzoi Soros-in për financimin e një fushate që njolloste qeverinë izraelite për planifikimin e deportimit të mijëra emigrantëve afrikanë dhe azilkërkuesve.
Siç citon kanali televiziv Chanel 10, një zëdhënës i Soros-it ka thënë se “në kundërshtim me pretendimet e rreme të Netanyahu-t, George Soros nuk ka financuar protesta kundër planit të Izraelit për të deportuar mijëra azilkërkues afrikanë”.
“Megjithatë, Soros beson me bindje se, në përputhje me Konventën e Refugjatëve të vitit 1951 dhe me të drejtën ndërkombëtare, është e gabuar që me forcë të kthehen azilkërkuesit në vendet ku ata mund të përndiqen ose vriten”, ka theksuar zëdhënësi i Soros-it.
Soros, i cili është hebre, është një kritik i ashpër i krahut të djathtë të qeverisë izraelite dhe ka mbështetur disa organizata joqeveritare me axhenda të krahut të majtë, si Breking the Silence dhe B’Tselem.
Shifrat e UNHCR-së tregojnë se Izraeli është shtëpia e rreth 40 mijë azilkërkuesve, duke përfshirë 27.500 nga Eritrea dhe 7.800 azilkërkues të Sudanit.
Shtytja e Izraelit për të depërtuar refugjatët duket të jetë pa precedent. Asnjë vend tjetër nuk ka kërkuar dërgimin e azilkërkuesve në vendet e treta përmes marrëveshjeve që nuk i nënshtrohen shqyrtimit gjyqësor ose publik. /Rtv islam/
