Më 27 prill në Kosovë shënohet Dita e të Pagjeturve.
Në nderim të tyre tubimi kryesor sot do të mbahet në Kompleksin Memorial në Mejë të Gjakovës.
Në këtë tubim do të jenë presidenti Hashim Thaçi dhe kryeministri Ramush Haradinaj.
Zyrtarisht në Kosovë ende figurojnë mbi 1650 persona të zhdukur edhe 20 vjet pas luftës. Familjarët ende presin informata rreth të pagjeturve dhe kërkojnë vazhdimisht nga institucionet e shtetit që të zbardhin fatin e tyre.
