Ndaj një xhamie në qytetin Hagë të Holandës, është kryer sulm islamofobik nga një grup i lëvizjes anti-islam dhe emigracion PEGIDA.
Nga Lëvizja PEGIDA, vendosi pankartë dhe manekin që përmban fyerje ndaj profetit Muhammed në portën e xhamisë AS Soennah ku shkojnë marokenët.
Kryetari i xhamisë AS Soennah, Abdelhamed Taheri, në deklaratën për AA tregoi se gjërat që janë vendosur para xhamisë i ka vërejtur pasi është drejtuar për në shtëpi pas namazit të mëngjesit.
“Xhemati u frikësua nga kjo pamje. Pas një kohe të shkurtër policia erdhi dhe e hoqën pankartën dhe manekinin”, tha ai.
“Që nga mëngjesi shumë muslimanë vijnë në xhami dhe pyesin se ‘çfarë mund të bëjmë’. Ndajnë shqetësimin e tyre në lidhje me ngjarjen. Mundohemi t’i qetësojmë njerëzit. Nga ky sulm i fundit njerëzit janë prekur”, u shpreh Taheri duke treguar se sulmi është bërë ndaj personit të cilin muslimanët e duan më së shumti.
Ai tha se sulmi është bërë nga PEGIDA, e cila veten e përshkruajnë si “Evropianët atdhedashës kundër islamizimit të Perëndimit”.
Taheri theksoi se sulmet e mëparshme ndaj xhamisë i kanë njoftuar tek zyrtarët qeveritarë, por se kjo çështje nuk është ndër prioritetet e qeverisë.
Kryetari i xhamisë shtoi se sulmi nuk është bërë vetëm ndaj xhamisë së tyre, por të gjithë muslimanëve.