Në dy sulme të njëkohshme me bombë në afërsi të një xhamie të shiitëve në kryeqytetin e Irakut, Bagdad, kanë humbur jetën 10 persona, kurse 21 të tjerë janë plagosur.
Zyrtari në Policinë e Bagdadit, togeri Halil ez-Ziyab, në një deklaratë për AA tha se eksplozivët e vendosur në dy vende të ndryshme në afërsi të një xhamie të shiitëve në lagjen Es-Sadr në lindje të kryeqytetit janë shpërthyer njëkohësisht.
Ziyab theksoi se parashikohet që sulmuesit janë militantë të organizatës terroriste DEASH. Sipas tij forcat e sigurisë kanë rrethuar vendin e ngjarjes dhe kanë rritur masat e sigurisë në rajon kundër mundësisë së ndonjë sulmi të ri.
Kurse një zyrtar nga spitali El-Imam, i cili ndodhet në lagjen Es-Sadr ka bërë të ditur se pas sulmit në spital janë dërguar 21 të plagosur si dhe kufomat e 10 personave.
