Takimi midis zyrtarëve ushtarakë turq dhe amerikanë në Ankara në lidhje me formimin e zonës së sigurt në veri të Sirisë do të vazhdojë nesër.
Ministria turke e Mbrojtjes njoftoi në Twitter se pjesa e sotme e bisedimeve ka përfunduar dhe se takimi do të vazhdojë gjatë ditës së nesërme.
Turqia pret formimin e një zone të sigurt prej 32 kilometrash në veri të Sirisë dhe ka theksuar se dëshiron që grupi terrorist YPG/PKK të pastrohet në rajon.
YPG/PKK është dega siriane e grupit terrorist PKK e cila për mbi 30 vite ka qenë përgjegjëse për vdekjen e rreth 40 mijë personave në Turqi, përfshirë shumë fëmijë, gra dhe foshnje.
Ankara dhe Washingtoni ende duhet të arrijnë një marrëveshje për zonën e sigurt. Zëdhënësi i Ministrisë turke të Punëve të Jashtme, Hami Aksoy, të premten tha se Ankara ka durim “të kufizuar”.
Ministria turke e Punëve të Jasthme, të premten theksoi se nëse përpjekjet për të gjetur terren të përbashkët me SHBA-të rezultojnë të pasuksesshme, Turqia do të duhet të formojë e vetme një zonë të sigurt në Siri.
