Të paktën tre persona kanë humbur jetën pasi dy helikopterë u përplasën në ajër teksa po shuanin zjarret pyjore në shtetin amerikan të Kalifornisë
Një nga drejtuesit e Shërbimit Zjarrfikës në Kaliforni, David Fulcher, tha se aksidenti ka ndodhur në Riverside County, në jug të shtetit amerikan.
Fulcher tha se njëri nga helikopterët u ul me sukses pas përplasjes, ndërsa tjetri u rrëzua.
Nga aksidenti humbën jetën piloti dhe dy zjarrfikësit që ndodheshin në helikopterin që u rrëzua.
Fulcher tha gjithashtu se rrëzimi i helikopterit shkaktoi një zjarr të ri nga i cili u dogjën më shumë se 1,6 hektarë pyll dhe se zjarrfikësit arritën ta shuajnë zjarrin pas përpjekjes disa orëshe.
