Një tren i mallrave që lëvizte në drejtimin Gjevgjeli-Shkup dje në afërsi të Demir Kapisë ka goditur për vdekje një migrant nga Pakistani.
“Më datë 21 qershor 2019 në orën 22:50 është lajmëruar se treni i mallrave i cili ka lëvizur në drejtimin Gjevgjeli-Shkup para Demir Kapisë ka goditur A.N. (migrant) nga Pakistani, i cili si pasojë e plagëve ka ndërruar jetë në vendngjarje. Është kryer hetim nga ekipi përkatës i stacionit të policisë në Gjevgjeli”, njoftoi Ministria e Punëve të Brendshme të Maqedonisë së Veriut.
Më tej thuhet se me urdhër të Prokurorit publik trupi i pajetë është dërguar për autopsi.
