Shumë shtete të Europës janë përfshirë nga protesta kundër masave të reja apo vaksinimit të detyrueshëm.
Në Poloni një grup protestuesish u kanë vënë flakën 2 qendrave të vaksinimit pas 7 ditësh tubime.
Polonia njoftoi sot se do të forcojë sigurinë e qendrave të vaksinimit.
“Fatkeqësisht, këto incidente përsëriten”- u tha gazetarëve kryeministri, Mateusz Moraëiecki.
“Ata të gjithë do të dënohen rëndë, në përputhje me ligjin, dhe ne, përveç kësaj, do të marrim masa për të forcuar sigurinë e të gjitha këtyre qendrave”-shtoi ai.
Shefi i policisë, Jaroslav theksoi se këto ishin “incidente tronditëse” dhe njoftoi se personeli i sigurisë do të ishte i pranishëm “ditë e natë” pranë qendrave të vaksinimit.
Qeveria ka inkurajuar polakët që të vaksinohen, por shkalla e vaksinimeve është ngadalësuar ndjeshëm dhe mbetet relativisht e ulët në rajonet jugore dhe lindore të vendit.
Shumë pika vaksinimi po mbyllen për shkak të kërkesës së ulët.
