Policia turke të mërkurën arrestoi 40 persona nën dyshimet për lidhje të pretenduara me Organizatën terroriste FETO, grupi që qëndron pas përpjekjes së grusht shtetit të mposhtur të vitit 2016, (AA).
Në një deklaratë, Zyra e Prokurorit Publik të Ankarasë tha se urdhër-arreste janë lëshuar për 23 ish-pjesëtarë të personelit të policisë dhe një civil, i cili u shkarkua nga një zyrë publike.
Në operacionet me qendër në Ankara, u arrestuan 18 të dyshuar për terrorizëm të lidhur me FETO-n. Kërkimet për të dyshuarit e mbetur vazhdojnë.
Ndërkohë, policia gjithashtu filloi operacione të njëkohshme në gjashtë provinca si pjesë e një hetimi në veri-perëndim nga Bolu kundër “imamëve të fshehtë” të grupit terrorist.
Sipas burimeve të sigurisë, shtatë të dyshuar janë arrestuar në provincat Bolu, Antalya, Sakarya, Ankara, Konya dhe Stamboll.
Gjithashtu, prokurorët turq filluan një hetim të ri mbi grupin terrorist FETO në provincën jugore të vendit, Adana.
Sipas burimeve të sigurisë, Zyra e Prokurorisë Publike në Adana lëshoi urdhër arrest për nëntë të dyshuar. Të paktën gjashtë të dyshuar u arrestuan në provincat e Stambollit dhe Adanas.
Organizata terroriste FETO dhe udhëheqësi i saj me seli në SHBA, Fetullah Gulen, orkestruan grushtin e shtetit të mposhtur të 15 korrikut 2016, gjatë të cilit ranë 251 dëshmorë dhe afër 2.200 të tjerë u plagosën.
FETO ka qëndruar pas një fushate të gjatë për rrëzimin e shtetit përmes infiltrimit në institucionet turke, veçanërisht në ushtri, polici dhe gjyqësor.
