Turqia ka vendosur që në mënyrë reciproke të ul përgjysmë taksat e vendosura mbi 22 produkte me origjinë nga SHBA-te.
Vendimi i këtillë është marrë pas njoftimit të SHBA-ve se ka ulur me 25 dhe 50 për qind taksat për import të hekurit dhe çelikut.
“Me vendimin e fundit, taksat e vendosura mbi produketet e lartpërmendura amerikane, do të ulen nga 521.2 milionë dollarë në 260.6 milionë”, shkroi në Twitter, ministrja turke e Tregtisë, Ruhsar Pekcan.
Lista e produkteve përfshin orizin, pijet alkoolike, produktet kozmetike dhe disa automjete.
Pekcan tha se Turqia vazhdon të punojë drejt zhdukjes së të gjitha pengesave mbi tregtinë dypalëshe, si dhe drejtë arritjes së targetit të vëllimit të tregtisë dypalëshe.
Kujtojmë se në shkurt, presidenti turk Recep Tayyip Erdoğan dhe presidenti amerikan Donald Trump, vendosën një objektiv prej 75 miliardë dollarë në tregtinë dypalëshe.
