Ushtarët izraelitë kanë martirizuar një palestinez në qytetin El Halil (Hebron) në Bregun Perëndimor të okupuar.
Sipas agjencisë zyrtare palestineze të lajmeve WAFA, i riu palestinez ka rënë dëshmor pasi ushtarët izraelitë kanë hapur zjarr në afërsi të qytezës Beit Ummar në veri të El Halilit.
Në lajmin e WAFA-s thuhet se pala izraelite ka pretenduar se i riu palestinez ka ndërmarrë sulm me thikë.
Ndërkohë, në një deklaratë me shkrim nga ushtria izraelite thuhet se palestinezi ka sulmuar me thikë pjesëtarin e sigurimit në vendbanimin kolon hebre Karmei Tzur në veri të qytetit.
Sipas deklaratës, i riu palestinez ka humbur jetën pasi pjesëtari tjetër i sigurisë ka hapur zjarr ndërkohë që lëndime ka pësuar edhe pjesëtari i sigurisë.
Dëshmitarët okularë thonë se ushtarët izraelitë kanë rrethuar vendin e ngjarjes dhe nuk ka lejuar hyrjen e ambulancave në këtë zonë./Rtv islam/
