Teksa inspektonte punimet ne qendrën shëndetësorë ne Dimal, kryministri Edi Rama u bëri thirrje qytetarëve që të marrin vaksinin anti-covid.
Edhe pse Ministria e Shëndetësisë nuk ka raportuar ende raste me variantin Delta në Shqipëri, Rama theksoi se ky variant i ri i koronavirusit është i rrezikshëm, kur kap të pavaksinuarit.
Sipas tij vaksina edhe pse nuk të bën 100% të paprekshëm nga virusi, dobësohet përballë njerëzve.
Kreu i qeverisë tha më tej se duhet të bëjmë gjithçka që skeptikët ta kapërcejnë hendekun e konsiparicionit.
“Ajo që vlen për t’u nënvizuar si mesazh sot është përtej faktit që Shqipëria ka ecur jashtëzakonisht mirë, dhe është botërisht e klasifikuar në vendet e para sa i përket efikasitetit të këtij varianti të ri.
Është variant agresiv, përhapet shpejt.
Është i rrezikshëm kur kap ata të cilët janë të pavaksinuar.
Vaksinimi se bën 100% të paprekshëm nga virusi, por e bën të dobët përballë individit.
Në ato raste kur preket një i vaksinuar, shanset për të shkuar në spital janë zero dhe simptomat janë të administrueshëm, pa dhimbje dhe vuajtje.
Prandaj për t’u mbrojtur nga varianti i ri, të vaksinohemi, të vaksinohemi.
Këto po ja u thotë një i vaksinuar, ja ku jam, s’kam asnjë problem. Kjo vlen për ata që vijojnë të jenë spektikë.
Është me rëndësi që ne të bëjmë gjithçka që kemi në dorë, dhe ata ta kapërcejnë hendekun e konspiracionit.”, tha Rama.
