Zëdhënësi i Presidencës së Turqisë, Ibrahim Kalın, thekson se, “Muslimanët, të krishterët, hebrenjtë dhe personat që u përkasin feve të tjera dhe ata që nuk kanë ndonjë besim, duhet t’i bashkojnë forcat e tyre kundër ksenofobisë dhe diskriminimit”.
Kalin ka shkruar një artikull për gazetën “Daily Sabah” me titullin “Vizita e Erdoganit në Vatikan përforcoi shpresën për paqe globale”.
Ai duke thekuar se presidenti i Turqisë, Recep Tayyip Erdogan, ka zhvilluar vizitën e parë zyrtare pas 59 viteve në Vatikan, theksoi se vizita është bërë pas rezolutës për Kudsin në Asamblenë e Përgjithshme të Kombeve të Bashkuara (OKB) dhe se ka shërbyer për të hapur faqe të re në marrëdhëniet Turqi-Vatikan.
Zëdhënësi Kalin duke rikujtuar se Papa Françesku në vitin 2014 e ka vizituar Turqinë dhe se ka qenë lideri i parë i huaj i pritur në Kompleksin Presidencial, tregoi se dy liderët kanë trajtuar shumë çështje në mesin e të cilëve edhe Kudsi, marrëdhëniet mes muslimanëve dhe katolikëve, kriza në Siri, kriza e refugjatëve, terrorizmi, ksenofobia dhe islamofobia.
Kalin, në shkrimin e tij thekson se Papa Françesku pas ardhjes në detyrë ka treguar profilin e një lideri të hapur për komunikim, i ngrohtë, me mendje të hapur dhe sinqertë. “Qëndrimi i qartë dhe i vendosur i Vatikanit në lidhje me “Kudsin”, ishte mirëpritur në botën muslimane dhe i afroi muslimanët me katolikët. Në fakt kjo gjendje nuk është për t’u habitur sepse Kudsi është një vend i shenjtë edhe për katolikët dhe nuk është e mundshme që të pranojnë vendimin e njëanshëm të SHBA-ve dhe Izraelit”, ka shkruar zëdhënësi i Presidencës së Turqisë.
– “Papa tregoi se është përgjegjësi morale dhe politike kundërshtimi i formave të reja të racizmit dhe Islamofobisë”
Kalın theksoi se muslimanët dhe të krishterët veçanërisht ata që jetojnë në shtetet arabe dhe muslimane shohin okupimin e Kudsit nga ana izraelite si shkaku kryesor i problemeve në tokat e shenjta.
Në këtë drejtim, ai thotë se, vendimi i administratës amerikane është një pjesë e problemit. “Rritja e vendbanimeve, me përpjekjet e shpronësimit dhe shtypjes së muslimanëve dhe krishterëve, parandalimi i kthimit të refugjatëve palestinezë në tokat e tyre, vazhdojnë të minojnë çdo përpjekje për të arritur një paqe të drejtë dhe të qëndrueshme në Lindjen e Mesme”, thotë Kalın.
Ai më tej duke theksuar se mesazhet gjithëpërfshirëse të Papa Françeskut janë të rëndësishme për shkak të rritjes së lëvizjeve raciste dhe të djathtës ekstreme, theksoi se vizita e presidentit Erdoğan tregon dëshirën për të punuar së bashku drejt paqes, sigurisë dhe miqësisë.
Kalin duke theksuar se shfaqja e sulmeve politike dhe fizike ndaj komuniteteve paqësore muslimane si “normal i ri” është problematike nga aspekti i muslimanëve dhe jo muslimanëve, shprehet:
“Antisemitizmi në Evropë njësoj kështu është evoluar në nazizëm dhe holokaust. Papa tregoi se është përgjegjësi morale dhe politike kundërshtimi i formave të reja të racizmit dhe Islamofobisë. Të gjithë muslimanët duhet të jenë të kënaqur nga kjo. Gjithashtu edhe liderët muslimanë duhet t’i mbrojnë të krishterët që jetojnë në vendet e tyre nga sulmet. Turqia mundohet që të sigurojë këtë duke hedhur disa hapa për të mbrojtur të drejtat dhe pronësitë e komuniteteve të krishtere dhe hebreje në vend. Në fakt, muslimanët, të krishterët dhe hebrenjtë, personat që u përkasin feve të tjera dhe ata që nuk kanë ndonjë besim, duhet t’i bashkojnë forcat e tyre kundër ksenofobisë dhe diskriminimit”./Rtv islam/
