Ambasadorja amerikane, Yuri Kim ka reaguar pas vizitës së sotme në Gjykatën Kushtetuese. Nëpërmjet një postimi në tëitter, kryediplomatja amerikane thekson se plotësimi i Kushtetueses është një arritje e madhe për reformën në drejtësi, të cilën Shtetet e Bashkuara e mbështesin fuqishëm.
“Që nga dhjetori 2022, Gjykata Kushtetuese është kompletuar me 9 gjyqtarë. Arritje madhore për reformën në drejtësi, e cila mbështetet fuqishëm nga SHBA. Një nder të takoj të gjithë gjyqtarët sot për të uruar sukses në zgjedhjen e një shefi të ri dhe në dhënien e drejtësisë me pavarësi dhe integritet, në përputhje me ligjin.”, shkruan Kim
Vizita e Yuri Kim erdhi pas plotësimit të gjykatës me trupën e plotë të gjyqtarëve. Anëtarja e nëntë e gjykatës, Holta Zaçaj u betua pak ditë më parë në Presidencë duke marrë kështu zyrtarisht detyrën dhe duke i hapur rrugë procesit të zgjedhjes së kryetarit të ri të këtij institucioni
As of Dec 2022, 🇦🇱 Constitutional Ct is complete with 9 judges. Major achievement for justice reform, which is strongly supported by 🇺🇸. An honor to meet all judges today to wish success in electing a new chief & delivering justice w/independence & integrity, in accordance w/law. pic.twitter.com/7FjK5oqFdH
— Ambassador Yuri Kim (@USAmbAlbania) January 27, 2023
